Sharaǵa «Qazaqstan Respýblıkasynyń Tuńǵysh Prezıdenti – Elbasynyń kitaphanasy» jetekshi ǵylymı qyzmetkeri Ǵ.Telebaev, Qazaqstan Respýblıkasy Bilim jáne ǵylym mınıstrligi «Rýhanı jańǵyrý» baǵdarlamasy negizinde qabyldanǵan «Tárbıe jáne bilim» kishi baǵdarlamasynyń menedjeri B.Atybaı, Qazaqstan Respýblıkasy Bilim jáne ǵylym mınıstrligi Ǵylym komıteti memlekettik tarıh ınstıtýty dırektorynyń orynbasary A.Qashqymbaev jáne basqa da sarapshylar, belgili qoǵam qaıratkerleri, sondaı-aq jastar uıymdarynyń ókilderi men stýdent jastary qatysty. Jıyndy saıasattanýshy, qoǵam qaıratkeri Kenjebolat Joldybaı júrgizdi.
Sondaı-aq, sarapshylar otyrysynda «Rýhanı jańǵyrý» baǵdarlamasy aıasynda uıymdastyrylatyn jalpyrespýblıkalyq «100 ıdeıa» jobasy tanystyryldy. Jobany iske asyrý stýdent jastar arasynda Elbasynyń «Rýhanı jańǵyrý» jalpyulttyq ıdeologııalyq platformasyn taratýǵa baǵyttalǵan.
Joba sheńberinde arnaıy saıt pen áleýmettik jeli arqyly elimizdiń barlyq jastarynyń 100 úzdik ıdeıasy arnaıy bazada jınaqtalady. Bul bastama negizinde «dóńgelek ústelder», saraptamalyq kezdesýler, ashyq dárister, kórmeler, forsaıt-sessııalardy ótkizýdi josparlap otyr. Sondaı-aq arnaıy «Stýdentterdiń eń úzdik 100 ıdeıasy» atty respýblıkalyq baıqaý uıymdastyrylady. «100 ıdeıa» jobasy jańa kózqarastardy qalyptastyrýǵa jáne ýaqyt talabyna saı zamanaýı málimetter bazasyn qurýǵa shaqyrady.
«Bul málimetter bazasy keleshekte memlekettik organdar men azamattyq qoǵam ınstıtýttarynyń, onyń ishinde jastar uıymdarynyń is-sharalar ótkizý formatyna usynym retinde qoldanylýy múmkin, - dedi «Jarasym» respýblıkalyq jastar uıymynyń tóraǵasy Tımýr Jumyrbaev.
«Qazaqstan Respýblıkasynyń Tuńǵysh Prezıdenti – Elbasynyń kitaphanasynyń» jetekshi ǵylymı qyzmetkeri Ǵ.Telebaev pen Aqmola oblysy Selınograd aýdanynyń «Otan» aýyldyq okrýginiń ákimi B.Ǵadzıeva jobaǵa aýyldaǵy jastardy tartý kerek ekenin aıtty.
Á.ARǴYMBAEVA
